Во текот на 2015 година поради обилните врнежи и влијанието на подземните води, појавено е свлечиште во зона на сервисниот пат на главниот доводен канал на стационажа km 12+700.

 Со свлекувањето беше целосно зафатен потег од сервисниот пат со должина од 15-25 m, а круната на самото свлечиште оди скоро до самиот заштитен насип на каналот. Во месец мај констатирано е проширување на свлечната зона со појава на пукнатини на сервисниот пат, со што се наложи потребата од зголемување на санационите мерки.

Денес се изврши порибување на акумулација "Стрежево", во согласност со риболовната основа и Годишниот план за 2015 година, со рибен подмладок набавен од регистрираниот репроцентар "Акватика" - Неготино.

Порибувањето се реализираше со крап, во количина од над 150 килограми, со просечна маса на порибителен материјал од 100-150 грама, односно од 1000-1200 парчиња, со што само во 2015 година акумулацијата е збогатена со над 300 килограми подмладок од крап.

Завршува првата фаза од реконструкцијата на цевководот 4Ц, кој е планиран за продолжување преку река Црна во атарот на општина Новаци.

На пресот беа присутни градоначалникот на општина Новаци, г-дин Лазар Котевски, директорот на ЈП Стрежево , г-дин Марјан Ѓероски, претседателот на Здружението на земјоделци, г-дин Тантаров. Ова се дел од изјавите: Градоначалник на општина Новаци г-дин Лазар Котевски: „ Започнавме со долгоочекуваниот проект за нашето население, нашите жители, префрлување на системот за наводнување преку река Црна Стрежево. Ќе го користиме цевководот за водата од акумулационото езеро за РЕК. Ова е прва фаза, Јужен крак, и има 600 ха за наводнувње. Во 2016 год. ќе продолжиме со Северен крак и индивидуалните земјоделци ќе видат голем бенефит од системот бидејќи ќе се наводнуваат скоро 2000 ха обработлива површина.“