Во организација на Здружение на рекреативни риболовци и екологија Спортски клуб “Црна Река 1929” – Битола, а во соработка со ЈП Стрежево Битола се организира хуманитарен натпревар во спортски риболов на акумулацијата Стрежево.
Средствата се собираат да му се помогне на 13 годишниот Гоце Марковски. Гоце веќе извесно време се бори со тешката болест која му е дијагностицирана пред помалку од една година, а која од одличен пливач и пијанист кој се закитил со многу меѓународни награди, ова момче го претвори во борец за живот.
Натпреварот е закажан во недела на 04.06.2017 година со почеток во 14 часот а пријавувањето на учесниците ќе биде половина час предходно.
Истиот ќе се оддржи на натпреварувачка патека од страната на вливот во акумулацијата (с.Лера – од пристапното место после мостот во с.Лера што води на патот за с.Доленци).
