Здружението на спортски риболовци “Црна Река”- Битола во соработка со ЈП”Стрежево”-Битола, концесионер на рекреативната зона “Акумулација Стрежево” , на 13.09.2015 година го одржаа традиционалниот 20-ти Меѓународен куп во спортски риболов, кој од пред девет години е посветен на прерано починатиот риболовец од Битола, Христо Пандиловски – Мачорот.
Риболовците од Македонија и Србија се натпреваруваа во дисциплината “пливка”, а меѓу осумте екипи најуспешни беа риболовците од здружението “Црна Река 1929”- 2 екипа, второ место “Јужна Морава”-Врање (Србија), а трето место “Црна Река 1929”-1 екипа, додека поединечно: прво место Арифовски Адријан; второ место Статовски Драганчо и трето место Казаков Славче/Миров Миланчо.
Организаторот на Меѓународниот натпревар во спортски риболов „Христо Пандиловски“ - ЗРРЕСК „Црна Река" 1929 од Битола, на ЈП „Стрежево“ - Битола му додели Благодарница за особен долгогодишен придонес во развојот на спортскиот и рекреативниот риболов.
Исто така, ЈП”Стрежево”- Битола секоја година врши порибување на риболовната вода согласно Законот, договорот за концесија и риболовната основа.
 |
 |
 |
 |
 |
 |